المخاوي……… .15
_ وكيل النيابة : إسم زوجك إيه ؟
_ السيدة : زوجى هو ( هشام على عشماوى مسعد ابراهيم ) !!!!!!!!!!!!!!
_ وكيل النيابة : ياااااااااااه يااااااااه ، زوجة الضابط المخاوى ؟ إنتى كدا بقيتى الشاهدة رقم ( ٥٤ ) فى قضية أنصار بيت المقدس وأجناد مصر ... قوليلى بقى : إتجوزتوا إمتى ؟
_ زوجة عشماوى : إتجوزنا سنة ٢٠٠٣ ، وكان ضابط مجتهد ، وإتخذ من مسكن والده بالحى العاشر بمدينة نصر وتحديداً فى ١٨ شارع على عشماوى بلوك ٩ مسكنًا للزوجية لنا ، واستمر في عمله إلى أن أنهيت خدمته منذ ( ٦ ) سنوات
_ وكيل النيابة : هل شاهدتى عليه أى أفكار متطرفة ؟ لاحظتى أى شيء من هذا القبيل ؟
_ زوجة عشماوى : نعم لاحظت إعتناقه أفكارًا دينية متطرفة ، وصدمت حينما كان يقول لى أنه يحرض الجنود على عدم الإستجابة لتعليمات القادة ، وكمان كان بيصف القادة بأبشع الألفاظ والتى تخرجهم من دينهم .
_ وكيل النيابة : هل شعرتى فى يوماً ما بأن زوجك ( هشام عشماوى ) يقود تنظيم متطرف ؟ ومتى ؟
_ زوجة عشماوى : كنت أعرف أنه عضو بجماعة الإخوان ولديه علاقات وطيدة جداً من كبار قادة الجماعة من الذين لديهم سلطة إتخاذ القرار ، وأعلم أيضاً أنه كان يلتقى بعدد من شباب الإخوان اللى كانوا بيجوا من المحافظات .
_ وكيل النيابة : هل تعرفين هؤلاء الشباب ؟ وهل ذكر لكى يوماً ما أنه كان يقود التنظيمات الإخوانية السرية ؟
_ زوجة عشماوى : لم أكن أعرف أحد منهم إلا ( ٣ ) ضباط مفصولين كانوا أصدقاءه
_ وكيل النيابة : تعرفى أسمائهم ؟
_ زوجة عشماوى : الأول صاحبه الروح بالروح هو : عماد الدين أحمد محمود عبدالحميد ، والتانى يعرفه من زمان هو : وليد محمد محمد بدر ، والتالت ضابط شرطة هو : محمد احمد عويس محمد .
_ وكيل النيابة : أخر مرة شوفتى زوجك إمتى ؟
_ زوجة عشماوى : منذ بداية شهر أغسطس ٢٠١٣ ، اعتاد استضافة صديق له _ لا اعرفه _ عندنا فى البيت ، ومساء يوم ( ٤ ) سبتمبر ، إستضاف شخصين لا أعرفهما أيضاً ، وفي صبيحة يوم ( ٥ ) سبتمبر قاللى : أنا مسافر إسكندرية وعقب إنصرافه فوجئت بإنفجار شديد هز منطقة مدينة نصر كلها ، وعلمت فيما بعد بأن هذا الإنفجار محاولة إغتيال وزير الداخلية محمد ابراهيم
_ وكيل النيابة : هناك تحريات جديدة جاءت لى الآن تؤكد وجود صلات تواصل بينك وبين زوجك ؟
_ زوجة عشماوى : الموضوع بإختصار يا حضرة المستشار أنى فوجئت وأنا فى شغلى فى كلية الآداب بجامعة عين شمس بوجود ظرف متروك لى على مكتبى ، قيل لى أن فيه واحد جابه الصبح قبل ما أجى الكلية .
_ وكيل النيابة : لقيتى فى الظرف إيه ؟
_ زوجة عشماوى : لقيت ورقة مكتوب فيها الآتى : إطمئنى ( أبو عبدالرحمن ) بخير هوه سافر إسكندرية ، وبالصدفة إتصاب فى مواجهات مع قوات الأمن ، والإخوة قاموا معاه بالواجب وإستلزم الأمر تهريبه للعلاج فى ليبيا ، وترك القيادة _ مؤقتاً _ لنائبه ( عماد عبدالحميد ) لحين إتمام شفاءه .
_ وكيل النيابة : يعنى هوه مصاب وتم تهريبه لليبيا للعلاج ؟
_ زوجة عشماوى : إيوا يا حضرة المستشار
_ وكيل النيابة : هل أبلغتى الشرطة بالظرف اللى جالك على مكتبك ؟ ولا الشرطة هيه اللى إكتشفت الأمر ؟
_ زوجة عشماوى : الإتنين ، لأنى لسه يا دوب بفتح الظرف لقيت أمن الكلية حواليا وبيقولولى : تحركاتك كلها متراقبة ، ولازم نبلغ الأمن الوطنى بالظرف اللى جالك ، قلت لهم : وأنا مش هافتح الظرف إلا قدام ضباط الأمن الوطنى
_ وكيل النيابة : يقفل محضر التحقيق فى ساعته وتاريخه ، ويُصدر قراراً بالسماح بخروج ( نسرين حسن سيد على _ زوجة هشام عشماوى ) من سرايا النيابة بضمان محل أقامتها مالم تكن مطلوبة فى قضايا أخرى .
___ وقد إستفسر وكيل النيابة عن "نسرين حسن" وعائلتها ، وطلب تحريات الأمن الوطنى عنها وكانت كالآتى : من أسرة إخوانية ولها عدد من الأقارب منتمين لحزب الأصالة السلفى ويحضرون لقاءات فى المسجد للشيخ السلفى المتطرف محمد المقصود الذى إنضم لتحالف دعم الشرعية الإخوانى
(( وكيل النيابة يذهب بنفسه إلى مكتب مدير نيابة أمن الدولة العليا ليبلغه بنتائج التحقيق مع ( زوجة "عشماوى المخاوى" ) لخطورة إعترافاتها ، ويبلغه بتحريات الأمن الوطنى عنها … ثم يعود لإستكمال التحقيق مع المتهم الذى يعترف عن التنظيمات الإخوانية ))
وكيل النيابة : قوللى بقى ، تِعِرف "عماد عبدالحميد" و "وليد بدر" و "محمد عويس" ؟
_ المتهم : أعرف إن الثلاثة ضباط ، "عماد ووليد" ضباط مفصولين ، و "عويس" دا ضابط مهم فى المرور . كانوا مصدر ثقة جامدة قوى عند ( المخاوى ) ، "عماد ووليد" كانوا مدربين على إيد ( عشماوى ) وأجسامهم زى جسم عشماوى ، قدرات بدنية عالية ، وهما أخطر عناصر لأنهم هما اللى بيخططوا مع ( المخاوى )
_ وكيل النيابة : طب وإيه هوه دور " محمد عويس " فى التنظيم ؟
_ المتهم : لا ، لا يا حضرة المستشار دا محمد عويس دا عايز ( يوم بليلة ) علشان نتكلم عليه ؟ اللى كنت عايز أقوله لحضرتك قبل ما نسى هو ( أن التنظيم بيستخدم سيارة موديل لانسر سوداء مسروقة من منطقة مساكن شيراتون ودايماً بيكون المكلفين بالعمليات التفجيرية راكبينها ، وبتركن دايماً فى منطقة ( المطرية ) رغم أنه تم إستخدامها فى عمليات سرقة الأموال من مكاتب البريد فى المطرية وكمان سرقة محلات الذهب اللى فى المطرية ، والخوف بقى إن يركبها المكلفين بتنفيذ مخطط ( داخلية خارجية دفاع سفارات ) ،
_ وكيل النيابة : إنت تعرف حد من المكلفين بتنفيذ مخطط ( داخلية خارجية دفاع سفارات ) ؟
_ المتهم : اللى أعرفه إنهم قالولنا ( لازم المخطط يتنفذ بالحرف وبسرعة واللى هينفذ المُخطط شباب من التنظيم السرى بس من الكوادر الخامسة أو السادسة ، لزوم التمويه يعنى )
_ وكيل النيابة : التمويه إزاى يعنى ؟ بيعملوا إيه علشان التمويه ينجح ؟
_ المتهم : يعنى العناصر الكبيرة فى التنظيم السرى من الكوادر الأولى والثانية والثالثة والرابعة ممكن يكونوا مرصودين أمنياً أو الأمن عارفهم ، علشان كدا ( المخاوى ) كلف الكوادر الصغيرة بالمُهمة ، يعنى اللى مش معروفين للأمن هما اللى هاينفذوا التفجيرات
_ وكيل النيابة : والتعليمات اللى صدرت للكوادر الخامسة والسادسة إيه ؟
_ المتهم : ضرورة التخفى ، وقطع صلتهم بمن يحيطون بهم فى المناطق التى يسكنون فيها ، وتغيير خطوط الموبايلات التى يتحدثون مع بعضهم البعض بها كل أسبوع ، وحلق الدقون ، والعمل على إستخراج بطاقات شخصية جديدة رقم قومى بدون دقن ، وعدم الصلاة فى مساجد بعينها من المساجد اللى الأمن راصدها
شعر وكيل نيابة أمن الدولة العليا بالإجهاد ، وقرر قطع التحقيق والإكتفاء بهذا القدر ، وصعد للمرة الثانية لمدير نيابة أمن الدولة العليا لإبلاغه بما تم التوصل إليه من معلومات خطيرة جداً فى القضية.
